日光之下無新事，但我看不透

昨晚去散步，歸家時短訊跟 E 報告一下近況，又把跟 K 的事說一遍。

E：嗯⋯我覺得佢係嬲緊，再加埋真係諗緊同你係性格上、各方面你地夾唔夾得黎

E：你問我既話⋯我都會覺得呢件事你不智。我會覺得唔係道歉既問題⋯ 因為你地仲要係long d,本身你地兩個開始已經係唔穩定既關係⋯你既做法會令對方覺得無「安全感」⋯其實男仔女仔都會有「安全感」既問題⋯⋯（不過男仔唔會講安全感呢個字眼）

E：你俾空間佢諗下先。我覺得未到break up既情況。你太早下判斷

E：你係呢個星期尾搵下佢⋯唔好提呢件事住，問下佢生活、工作等情況

(我說我有裝作無事跟他閒聊，他都不理不睬)
E：嗯⋯佢本身似乎都煩緊好多野

E：關係從來都係雙方的，佢俾唔俾到安全感你，你又俾唔俾到佢⋯係靠互相付出

E：你其實一開始既時候⋯都知對方同你有既覺悟有點不同吧？

因為開初你想跟他開始，你有心理預備要面對long d，要擺加倍既精神、時間、心力⋯而我感覺係⋯對方其實一開始未有咁既諗法

E：所以有更根本既問題你要諗

因為一開始你地既「步伐」不同，你對佢同個關係都有很多期望⋯而佢有點似順著情況就跟你開始了，佢可能都係持著「觀察」、「嘗試」既感覺跟你繼續關係

熱情既時候呢個步伐不同，唔會有大問題⋯但一有磨擦時，自然你總會覺得⋯你做既野多過佢做既野，你付出既多過佢付出

要睇下你接唔接受到對方同你去考慮呢段關係既諗法係唔同

E：就算呢次和好左⋯可能有其他野發生時，同樣情況會再出現⋯你又接唔接受到

是日五時多又自然醒，很多想法很煩但理不清頭緒。

到底這個人適不適合？到底該不該再作最後努力？讓是保持現狀不打擾 let it be？

我看不透。