嬲累

其實跟小朋友很身同感受的。他們在前線，我只是在後方支持。最嬲累的或許不是政府處理手法有多黑多壞，而是身邊本應的同路人不明白。

是日又跟娘親吵架，其實我都只是忍不住跟父說了句，也沒有出門的意思。她覺得面子係最重要，所以我還有甚麼可說。雖然不是不能理解，因為她少時被太多人看不起，怕了。然而。

(節錄)
她：如果你被人拉左d人點睇我，我幾冇面。
我：即係對你黎講面子最重要？
她：命最重要，但我係人地面前抬不起頭。
如果你畀人拉咗我即刻死畀你睇。
我d朋友個女個個唔出聲，點解你咁激進？你以前係係最乖果個，依家群埋d咩人？
我：其實對你來講，咩叫乖？
她：明辨是非。

哈，那麼還有甚麼可說？又話我自私又點點點。講講下自己係度喊。我心諗，我對著你，想喊過你。

她說，我以前係咪比好多苦你，你要咁反抗？(我明明最和理非) 你明不明白，肉體上你比到的照顧都比左，但心靈上是從。來。沒有支援過。

明明當家裡全是外人就咩事都冇啦，為何又忍不住表露真性情呢？她不過想要表面和諧，比你有幾難。我難過不是她難過。

若我們無話可說，不要裝不明白。